Hakerët kanë hyrë në llogaritë e zyrtarëve të BE-së

Grupi i kompanive amerikane për siguri në internet kanë zbuluar se një grup hakerësh i njohur me emrin “Koment” vitin e kaluar ka arritur të futet në llogaritë e zyrtarëve evropian.

Hakerët verën e kaluar, në afat prej dhjetë ditësh gjatë korrikut, siç transmeton agjencia Blumberg, kanë hyrë katër herë në llogari të 11 zyrtarëve të BE-së, në mesin e të cilëve është edhe presidenti i Këshillit, Herman van Rompuy dhe këshilltarët e tij.

Ata i janë qasur rrjetit të Këshillit të Evropës katër herë vitin e kaluar në ora 9, më 8, 11, 13 dhe 18 korrik.

Hakerët, siç njoftohet, kanë parë edhe komunikimin intern të 11 zyrtarëve të BE-së të cilët merret me çështje ekonomike, të sigurisë dhe punëve të jashtme.

Gjithashtu ata kanë hyrë edhe në 17 adresa të postes elektronike duke marrë edhe dokumente të rëndësishëm, thekson Blumberg.